21 yaşadək futbolçulardan ibarət Azərbaycan millisinin baş məşqçisi Milan Obradoviç Xarkov “Metallist”inə qayıtmaq arzusundadır.
Sportinfo.az xəbər verir ki, 44 yaşlı mütəxəssis Ukrayna mətbuatına müsahibəsində vaxtilə futbolçu kimi formasını geyindiyi komandanı çalışdırmaq niyyətindədir.
Milan Obradoviç 2006-2013-cü illərdə “Metallist”in formasını geyinib. O, təklif alacağı təqdirdə, bunu dəyərləndirəcəyini gizlətməyib:
“Klub prezidenti Aleksandr Yaroslavski çağırsaydı, tərəddüd etmədən gedərdim. Ancaq işinizlə buna layiq olmalısınız.
Bu klubu sevə bilərəm, amma düzgün işləmirəm və irəliləmirəmsə, onda niyə orada mənə ehtiyac olsun? İnsan hər zaman peşəkar kimi qalmalı, sonra karyera imkanlarını düşünməlidir.
“Metallist” kimin xeyir verəcəyini hiss etməlidir. Burada hər kəs özünü maksimum dərəcədə göstərə bilməz”.
.jpg)
.jpg)
.jpg)
