Azərbaycan millisinin DÇ-2022-nin seçmə mərhələsindəki rəqiblərindən İrlandiya yığması yoldaşlıq görüşləri keçirəcək.
Sportinfo.az xəbər verir ki, komanda iyunda iki matçda qüvvəsini sınayacaq.
Stefan Kenninin yetirmələri həmin ayın 3-də Andorranın qonağı olacaqsa, 5 gün sonra Macarıstanla üz-üzə gələcək.
Macarlarla matçın məkanı hələlik bəlli deyil. Bu oyunlar sentyabrda Portuqaliya və Azərbaycana qarşı keçiriləcək rəsmi görüşlərə hazırlıq xarakteri daşıyacaq.
İrlandiya yığması seçmə mərhələnin ilk iki turunda Serbiya (2:3) və Lüksemburqa (0:1) məğlub olub. Sentyabrın 1-də Portuqaliyanın qonağı olacaq irlandlar həmin ayın 4-də millimizi qəbul edəcək.
.jpg)
