"Rəqiblərin səviyyəsi bəllidir, onların gücünə şübhə yoxdur”.
Bu sözləri Sportinfo.az-a açıqlamasında Azərbaycan yığmasının keçmiş müdafiəçisi Ramin Quliyev deyib.
Millimiz martın 24-də İtaliyadakı "Yuventus" stadionunda Portuqaliya, martın 30-da Bakı Olimpiya Stadionunda Serbiya ilə DÇ-2022-nin seçmə mərhələsinin oyununda, martın 27-də isə Macarıstanın Debretsen şəhərindəki "Nadyerdeyi" stadionunda Qətərlə yoldaşlıq görüşündə üz-üzə gələcək.
Hazırda “Sabah”ı çalışdıran Quliyev millinin qarşıdakı görüşləri haqda öz fikirlərini bildirib:
“Portuqaliya ilə səfər çox ağır olacaq. Serbiya da güclü komandadır. Hər iki qarşılaşmadan maraqlı mübarizə gözləməyə dəyər. İstək və əzmkarlıq göstərməklə müsbət nəticəyə ümid edirəm".
