"Bizi seçmə mərhələdə çox vacib oyun gözləyir.
Azərbaycanla qarşılaşma asan olmayacaq.
Ümumiyyətlə, indi rahat oyunlar olmur. Qələbə ilə başlamaq önəmlidir. Hədəfimiz 3 xaldır".
Sportinfo.az xəbər verir ki, bu fikirləri Portuqaliya millisinin futbolçusu Danilu Pereyra federasiyanın rəsmi saytına açıqlamasında DÇ-2022-nin seçmə mərhələsinin ilk turunda Azərbaycana qarşı oyunla bağlı danışarkən deyib.
Müqavilə ilə "Portu"ya məxsus olan, lakin hazırda icarə əsasında PSJ-ndə çıxış edən yarımmüdafiəçi bildirib ki, müasir futbolda zəif komanda yoxdur:
"Yaxşı təşkilatlanmış, əks-hücuma sürətlə keçən, arxa və ön xətdə sabit oynayan kollektivlər var. Toplanışa yeni başlamışıq və düzgün nəticələr çıxarmaq üçün Azərbaycanı yaxşı təhlil edəcəyik".
Martın 24-də "Yuventus" stadionunda keçiriləcək oyun Bakı vaxtı ilə saat 23:45-də start götürəcək.
.jpg)
.jpg)
.jpg)
