Ukraynada "Minay"ın formasını geyinən Anatoli Nuriyev martın 21-də millimizin düşərgəsinə gələcək.
Sportinfo.az xəbər verir ki, ilk dəfə yığmaya dəvət alan hücumçu Ukrayna mətbuatına bu haqda danışıb.
Komandanın bu ayın son ongünlyündə DÇ-2022-nin seçmə mərhələsi çərçivəsində Portuqaliya, Serbiya və Qətərlə qarşılaşacağını xatırladan forvard deyib:
"Azərbaycan millisinə qoşulandan 3 gün sonra Turində portuqaliyalılarla münasibətə aydınlıq gətirəcəyik. Ümidvaram ki, beynəlxalq oyunlardakı təcrübə özümü inkişaf etdirməyimə kömək edəcək".
Martın 24-də İtaliyadakı "Yuventus" stadionunda Portuqaliyanın qonağı olacaq Azərbaycan millisi 3 gün sonra Macarıstanın Debretsen şəhərində Qətərlə yoldaşlıq matçında üz-üzə gələcək.
De Byazinin başçılıq etdiyi kollektiv martın 30-da isə Bakı Olimpiya Stadionunda Serbiyanı sınağa çəkəcək.
.jpg)
.jpg)
.jpg)
