"Çox çətin qrupa düşmüşük. Rəqiblərimizin gücünü yaxşı bilirik".
Sportinfo.az xəbər verir ki, bu fikirləri Azərbaycan millisinin baş məşqçisi Canni De Byazi "Zona Gol" şousunda DÇ-2022-nin püşkatmasını dəyərləndirərkən deyib.
64 yaşlı mütəxəssis uğurlu nəticələr üçün əlindən gələni edəcəyini bildirib: "İstəyimizə nail olmaq üçün böyük çətinliklərlə üzləşəcəyimizi bilirik.
Amma mümkünsüz heç nə yoxdur. Ona görə də hər şeyi edəcəyik. Qələbələr qazanmağa çalışacağıq. Bir sözlə, cəhd edəcəyik".

