Milan Obradoviç daha 1 il 21 yaşlılardan ibarət yığmasını çalışdıracaq.
Bu barədə Sportinfo.az-a AFFA-nın Mətbuat və İctimaiyyətlə Əlqalər şöbəsinin rəhbəri Firuz Abdulla bildirib.
Federasiya mənsubunun sözlərinə görə, serbiyalı mütəxəssislə kontrakt avmotik olaraq qüvvəyə minib:
«Orada belə bir bənd var ki, 2 illik müddət bitəndən sonra tərəflərdən biri onun uzadılmasına etiraz etmirsə, müqavilə daha 1 il yenilənəcək.
İndiki halda AFFA Milan Obradoviçin fəaliyyətini davam etdirməsinə razıdır. Baş məşqçinin özü də bunda maraqlıdır. Serbiyalının qarşısına qoyulan yeni hədəflər və maliyyə şərtləri barədə isə hələ heç nə deyə bilmərəm».

