.jpg)
Çempionlar Liqasının I təsnifat mərhələsində "Qarabağ"ın rəqibi olan "Lex" iki futbolçusu ilə yollarını ayırır.
Sportinfo.az "Sport.interia" nəşrinə istinadən xəbər verir ki, çexiyalı Yan Sikora və ispaniyalı Daniel Ramires Poznan təmsilçisində qalmaq istəmir.
Sikora artıq ölkəsinin "Viktoriya"da (Plzen) təlim-məşq toplanışına qoşulub.
Ramires isə rəhbərliyə müraciət edərək ayrılmaq istədiyini söyləyib. Buna baxmayaraq, 30 yaşlı yarımmüdafiəçi "Qarabağ"la görüşlərin iştirak ərizəsinə daxil edilib.
"Lex" və "Qarabağ" arasındakı ilk oyun bu gün keçiriləcək.
"Poznan" stadionunda qarşılaşma Bakı vaxtı ilə saat 22:00-da başlayacaq. Cavab görüşü iyulun 12-də Bakıda olacaq.
