Sosial şəbəkələrdə Türkiyədə zəlzələdən ziyan çəkmiş insanlara yardım məqsədilə Azərbaycandan könülü həkim heyətinin siyahıya alınması ilə bağlı məlumat yayılıb.
“Qafqazinfo”nun məlumatına görə, artıq bəzi həkimlər bununla bağlı müraciət etdiklərini yazırlar.
Məsələ ilə əlaqədar Səhiyyə Nazirliyindən bildirildi ki, yardım üçün peşəkar heyət formalaşdırılıb:
“Türkiyə Respublikasının müxtəlif bölgələrində baş vermiş zəlzələ ilə bağlı Azərbaycan Respublikasının Səhiyyə Nazirliyində peşəkar həkimlərdən ibarət heyət formalaşdırılıb. Ehtiyac yarandığı təqdirdə heyət zərərçəkmişlərin müalicəsinə cəlb olunacaq”.
Artıq mobil səhra hospitalı və 41 nəfərdən ibarət peşəkar tibbi və qeyri-tibbi heyəti qardaş ölkəyə çatdıracaq təyyarə hazırda Türkiyədədir.
