"Çox sərt adam idi, oyunum xoşuna gəlməyəndə məni təbrik etmirdi".
Sportinfo.az xəbər verir ki, bu sözlər Aleksandr Səmədova məxsusdur.
Rusiya yığmasını seçmiş azərbaycanlı keçmiş futbolçu 2015-ci ildə vəfat etmiş atası Sergey Səmədov haqqında xatirələrini bölüşüb.
Daha çox Moskva "Spartak"ında məşhurlaşan sabiq yarımmüdaiəçi onun ciddi insan olduğunu vurğulayıb:
"Artıq xasiyyətinə bələd idim. Bilirdim ki, sözlə məni məhv edəcək.
Hazırda 3 oğul atasıyam. Amma mən özümü atam kimi apara bilmərəm. Onun münasibəti məni sərtləşdirirdi.
Mənə deyirdi ki, həyatda hər şeyə özün nail olmalısan. Ən önəmli fikri belə idi: həyatda yeni dostların ola bilməz.
Əsl dostların sayı maksimum 1-2 nəfərdir. Qalanları sənin tanışlarındır. Onlar nəvaxtsa səni çıxılmaz vəziyyətdə qoya bilərlər".
