Azərbaycan Milli Antidopinq Agentliyi (AMADA) 21 yaşadək futbolçulardan ibarət yığmanın futbolçularını dopinq-kontrola cəlb edib.
Sportinfo.az-a bu barədə məlumat AFFA-dan daxil olub.
Federasiyadan redaksiyamıza ötürülən informasiyaya görə, qəfil yoxlama Belarusla yoxlama matçından sonra gerçəkləşib.
Belə ki, AMADA-nın əməkdaşları Sumqayıtda keçirilən və qonaqların 3:1 hesabıyla qalib gəldiyi qarşılaşmanın ardından millinin düşərgəsinə gələrək, 5 oyunçudan analiz götürüb.
Antidopinq Agentliyinin nümayəndələrinin komandadan kimləri yoxlamadan keçirdiyi açıqlanmasa da, bildirilib ki, nəticələr bir müddət sonra AFFA-ya təqdim ediləcək.
