"Yeni sponsor gəlməsə, qış fasiləsində komandadan ayrılacam".
Bu sözləri Sportinfo.az-a açıqlamasında "Mingəçevir"in baş məşqçisi Ədahim Niftəliyev deyib.
Birinci Liqa təmsilçisinin çalışdırıcısı qərarını belə izah edib:
"Getmək qərarımı gədə-güdədən ibarət qara qüvvələrdən qorxub verməmişəm. Kimdənsə qorxmuram. Hər kəs məni yaxşı tanıyır.
Sadəcə mənim də ailəm var. Oğlum Bakıda təhsil aldığı üçün yanıma gətirə bilmirəm. Onlardan ayrı yaşamaq rahat deyil.
Bir tərəfdən də klubun belə vəziyyətdə olması ağır gəlir. Bu şəraitdə çox qala bilmərəm. Bir ildən artıqdır doğma şəhərim üçün xidmət göstərirəm.
Ötən mövsüm çempionatda yerimizi qoruduq. Daha belə davam etmək olmaz. Yeni sponsor gəlməsə, getməyə qərar vermişəm. Bu, şəxsi qərarımdır. Klub rəhbərliyi bildirib ki, sponsor gəlməlidir. Sponsor alınmasa da nəsə düşünərik".
XANOĞLAN
