!["Azərbaycandakı karyeram yaxşı gedir" - İspaniyalı müdafiəçi](https://www.sportinfo.az/media/2023/02/02/irasaball.jpg)
"Azərbaycanda özümü xoşbəxt hiss edirəm. Burada karyeram yaxşı xətlə gedir. ”Sabah”da olduğuma görə də şadam”.
Bu sözləri Sportinfo.az-a açıqlamasında “Sabah”ın ispaniyalı müdafiəçisi Con İrasabal deyib.
Legioner parlaq “Sabah”ın bir parçası idi. Bu mövsüm özünə bənzəməyən “tələbələr”in yenə ən yaxşı isimlərindən biridir.
Premyer Liqada sona 2 tur qalmış Con və dostları avrokuboklara getmək üçün gərgin mübarizədə əsas iştirakçılardan biridir.
Aktivində 52 xalı olan Masazır təmsilçisi turnir cədvəlində 5-ci pillədə qərar tutub.
Görəsən, ötən mövsümkü uğurdan sonra "Sabah" bu il avrokuboklara gedə bilməsə, bunu faciə adlandırmaq olar?
İrasabalı dinləyək:
“Hazırda bu barədə yox, qarşıdakı oyunlar barədə düşünmək komanda üçün daha faydalı olar. Bizim komandanın çox yaxşı potensialı var. İnanıram ki, mövsümün sonunda hədəflərmizə çatacağıq”.
XANOĞLAN