“Qarabağ” bu gün İsveç səfərinə yollanıb.
Avropa Liqasının Liqa mərhələsində mübarizə aparan “köhlən atlar” səfərdə “Elfsborq”un qonağı olacaq.
Geridə qalan 5 turda aktivinə cəmi 3 xal yazdırmağı bacaran təmsilçimiz İsveç səfərindən qələbə ilə qayıtmaq niyyətindədir. Hər nə qədər çətin görünsə də, mümkünsüz deyil.
Son oyunlarda əsas heyətdə görünən Patrik Andrade Sportinfo.az-a məlum qarşılaşma ilə bağlı açıqlama verib:
“Qarşıda bir-iki gün vaxtımız var. Məşqçilər “Elfsborq”u analiz edib, bizə lazım olan tapşırıqları verib.
İştirak etdiyimiz turnirdən asılı olmayaraq, hər oyuna qələbə qazanmaq üçün çıxırıq. Bu dəfə də 3 xal üçün mübarizə aparacağıq.
Xallarımızın sayını artırmaq istəyirik.Bilirik, ağır və yorucu səfər olacaq. Ancaq yenə də məqsədimiz dəyişməz qalır”.
Dekabrın 12-dən 13-nə keçən gecə “Buros Arena”da keçiriləcək oyun Bakı vaxtı ilə saat 00.00-da başlayacaq.
HƏBİB
