"Ayaks"ın futbolçusu Danieli Ruqani Avropa Liqası Liqa fazasının 3-cü turunun "Qarabağ"la matçından öncə keçirilən mətbuat konfransında iştirak edib.
Sportinfo.az italiyalı müdafiəçinin fikirlərini diqqətinizə çatdırır:
- “Qarabağ”ı necə xarakterizə edərdiniz?
- Onların oyunlarına baxmışıq. “Qarabağ”ı ciddi təhlil etmişik. Onlar güclü komandadır. Təhlükəli rəqibdir. "Qarabağ"ın Avropada böyük təcrübəsi var.
- Sabah bütün oyunu oynamağa hazırsınız?
- Bakıya qələbə üçün gəlmişik. Çətin olacaq, amma oynaya bildiyim üçün xoşbəxtəm. Ümid edirəm ki, komandaya nəticə əldə etməyə kömək edə biləcəyəm.
- Dünən hava limanında probleminiz olub?
- Elektron viza ilə bağlı problem yaranıb. Viza səhv doldurulub. Bakı hava limanında üç saat qaldım.
.png)
.jpg)
