"Neftçi" Azərbaycan Premyer Liqasının 24-cü turunun oyununda səfərdə "Qarabağ"la 1:1 hesablı heç-heçə edib.
Sportinfo.az xəbər verir ki, "ağ-qaralar"ın qolunun müəllifi Kilan Lebon matçdan sonra jurnalistlərin suallarını cavablandırıb.
Fransalı yarımmüdafiəçinin müsahibəsini diqqətinizə çatdırırıq:
- Düşünürəm ki, yaxşı oynadıq. Yaxşı oynadığımıza görə qələbə qazanmağa layiq idik. Rəqib sonra bərabərlik qolunu vurdu. Buna baxmayaraq, 1 xal qazandıq. Yaxşı nəticədir. Ümid edirəm ki, mövsümün sonuna kimi bu cür davam edəcəyik.
- Ataa Caberin zədələnərək meydanı tərk etməsi oyununuza təsir etdi?
- Bəli, təsir etdiyini düşünürəm. Çünkü, hamı o zədəni gördü. Bizə psixoloji cəhətdən pis təsir etdi.
- "Qarabağ"la səfərdə heç-heçə etdiniz. 1 xal qazandınız, yoxsa 2 xal itirdiniz?
- Deyərdim ki, 2 xal itirdik.
- Abdullah Zubirlə yaxından tanışlığınız var?
- Bəli.
- Oyununuzda oxşarlıq görürsən?
- Bir az var. Amma biz fərqli oyunçularıq.
- Matçdan öncə qələbə üçün mükafat vəd edilmişdi?
- Xeyr. Bu barədə danışığımız olmayıb. Məqsədimiz qələbə qazanmaq idi.
