Belarusun "Prerssbol" portalı Millətlər Liqasının son turu ərəfəsində C3 qrupundakı vəziyyəti dəyərləndirib.

Sportinfo.az xəbər verir ki, belaruslu həmkarlarımız Qazaxıstanın qrupdakı qələbəsindən və Azərbaycan millisi barədə də yazıblar:

“Qrupdakı hər iki görüşün həlledici rolu yoxdur. Qazaxıstan sensasiya yaradaraq vaxtından əvvəl B Liqasına yüksəlib.

Bəli, bəli, turnirin son püşkatmasında bizim mövqeyimizdə olan həmin qazaxıstanlılar. Qrupda sonuncu olaraq, bu divizionda qalmaq üçün pley-off mərhələsində oynamışdılar.

İndi Maqomed Adiyevin komandası isə Millətlər Liqasının pley-off mərhələsindən keçərək Avropa çempionatına çıxmaq şansı qazanıb.

Azərbaycan və Slovakiya millisi isə ancaq şərəf və reytinq üçün oynayacaq. O da vacibdir.

Millətlər Liqasının ümumi reytinqi əsasında oktyabrın 9-da Frankfurt-Mayndə keçiriləcək AVRO-2024-ün səbətləri formalaşacaq. Ona görə də hər iki komanda hər ehtimala qarşı qələbə qazanmaq istəyəcək.

Belarusun çox pis taleyi var. Komanda ardıcıl 12 rəsmi matçda qalib gəlmir. Bu, rekord deyil:

1990-cı illərin ikinci yarısında yüksək səviyyəli turnirlərin seçmə mərhələsi çərçivəsində milli komanda ardıcıl 16 görüşdə qələbə qazana bilməmişdi.

İstənilən halda, Kondratyevin komandası birbaşa D divizionuna yuvarlanmayacaq. Onlar bu divizionda qalmaq üçün 2024-cü ilin martında keçiriləcək pley-offda qalib gəlməlidi.

Üstəlik, orada D liqasının komandaları ilə deyil, C divizionunun qruplarında son pilləni tutmuş rəqiblərdən biri ilə qarşılaşacaq".