Bir müddət müdafiə mövqeyində olan rus hərbçilərinin Xersondan çəkilməsi ilə müharibə yeni mərhələyə qədəm qoyub.
Rusiya Ukraynaya raket və hava zərbələri endirməklə itkilərini kompensasiya etməyə çalışır.
Bu hücumlarda mühüm əhəmiyyət kəsb edən hərbi baza vurulub.
Rusiyanın Ukraynadakı hədəfləri vurmaq üçün istifadə etdiyi baza "Engels-2" adlı pilotsuz hava vasitəsi ilə hücuma məruz qalıb.
Hücumla bağlı Ukraynadan hələlik rəsmi açıqlama verilməyib. Partlayışlar nəticəsində 2 Tu-95 bombardmançısının zədələndiyi bildirilir.
Qeyd edək ki, ABŞ-ın Baş Qərargah rəisi general Mayk Milley Rusiya və Ukraynanın itkilərini açıqlayıb. O, müharibədə təxminən 100 min rus və 100 min ukraynalı əsgərin öldüyünü və ya yaralandığını təxmin etdiklərini bildirib.
General Milley Rusiyanın Ukraynaya müdaxiləsində 40 minə yaxın mülki vətəndaşın həyatını itirdiyini qeyd edib.
Bu, bir Qərb rəsmisi tərəfindən indiyə qədər açıqlanan ən yüksək ölüm və ya yaralanma statistikasıdır.
Moskvanın hərbi itkilərlə bağlı yekun bəyanatı isə sentyabr ayında verilib. Kreml ölən əsgərlərin sayının 5937 nəfər olduğunu açıqlayıb. Bu açıqlamadan sonra Rusiyadan gələn hərbi itkilərlə bağlı heç bir yenilik olmayıb.
