21 ildən sonra Premyer Liqaya qayıdan «Şəfa» siftəni edib.
I Liqanın çempionu olaraq elitaya dönən paytaxt təmsilçisi ilk legioner transferini bitirib.
«Ağ-göylər» Mohamed Medfaini sıralarına qatıb. Fransalı yarımmüdafiəçi ilə 1+1 illik müqavilə imzalanıb.
Onun 25 yaşı var. Ərəb kökənli vinger son olaraq «Şarleru»nun formasını geyinib.
Üç il ərzində burada 84 oyuna çıxıb, 14 qol vurub. «Ayaçço»nun yetirməsi indiyədək 3 ölkədə legioner həyatı yaşayıb.
Polşada «Olimpia Qrudziąd», Portuqaliyada «Marítimo» və Tunisdə «Monastir»ın üğurları üçün tər töküb.
SPORTİNFO.AZ
