AÇ-2020-nin final mərhələsində yer aldığı A qrupunun iki oyununu Bakıda keçirəcək İsveçrə millisinin təlim-məşq planı müəyyənləşib. Sportinfo.az yerli mətbuata istinadən xəbər verir ki, hazırlığa ölkənin Bad-Raqats bölgəsində start verəcək yığma komanda turnirin startı öncəsi iki yoldaşlıq oyunu keçirəcək.
Baş məşqçi Vladimir Petkoviç komandasını mayın 31-də Bazeldə Almaniya, iyunun 6-da isə Sankt-Qallendə Lixtenşteynlə görüşlərdə yoxlayacaq.
İsveçrə seçməsinin çempionat müddətində təlim-məşq bazası isə Bakıda deyil, Romada olacaq. Ancaq komanda iki oyununu Bakı Olimpiya Stadionunda keçirəcəyindən paytaxtımızda da bir neçə gün qalmağı planlaşdırır.
