Türkiyənin NTV kanalının şərhçisi Rıdvan Dilmən AÇ-2020-nin püşkatma mərasimindən öncə ölkə başçısı Rəcəb Tayyib Ərdoğanla telefon danışığını canlı yayımda açıqlayıb.
Sportinfo.az xəbər verir ki, tanınmış jurnalistin sözlərinə görə, prezident TANAP-ın açılışında "Qazprom"un rəhbəri Aleksey Millerə milli komandanın qrup oyunlarını Bakıda keçirəcəyini arzuladığını deyib:
"Ərdoğanla danışdım. Püşkdən öncə TANAP-ın rəhbərinə deyib ki, inşallah, Roma ilə Bakı qrupuna düşərik. Deməli, qəlbi təmizdir. Artıq onun müzakirəsini etmişik. İki oyunumuz Bakıda olacaq. Hər şey ölkəmizin istədiyi kimi oldu. Bakıda 10 günə yaxın qalacağıq".
Qeyd edək ki, Avropa çempionatında A qrupunun Uels - İsveçrə, Türkiyə - Uels və İsveçrə - Türkiyə matçları, eyni zamanda 1/4 final mərhələsinin bir oyunu Bakı Olimpiya Stadionunda keçiriləcək.