İspaniya, İtaliya, Almaniya, İsveç və Belçika milli komandalarının AÇ-2020-nin final mərhələsində geyinəcəyi formalar ictimaiyyətə təqdim olunub.
Sportinfo.az xəbər verir ki, geyim dəstləri "Adidas" şirkəti tərəfindən hazırlanıb. Təqdimat mərasimində almanlardan Toni Kroos, ispanlardan Alvaro Morata, isveçlilərdən milliləşdirilmiş qanalı Robin Kvamina Kvayson, belçikalılardan isə Mişi Batşuayi iştirak ediblər. İtalyanlardan isə kimsə təmsil olunmayıb.
Maraq çəkən başqa məqam ondan ibarətdir ki, forma təqdimatı edənlərdən Almaniya və İsveç milliləri hələ qitə birinciliyinə vəsiqə qazanmayıblar.