AÇ-2020-nin seçmə mərhələsində 1-ci tura yekun vurulub.
Sportinfo.az xəbər verir ki, sonuncu oyun günündə 3 qrup çərçivəsində 8 qarşılaşma baş tutub.
F qrupunda mübarizə aparan İspaniya evdə Norveçlə üz-üzə gəlib və çətin qələbəyə sevinib. Qrupda həmçinin Malta - Farer adaları və İsveç - Rumıniya görüşləri baş tutub.
Bu oyunlarda da meydan sahibləri oxşar hesabla üstün olublar. J qrupunun favoriti İtaliya evdə Finlandiyanı sınağa çəkib və inamlı qələbə qazanıb.
Digər oyunlarda Bosniya və Herseqovina Ermənistanı məğlub yola salıbsa, Lixtenşteyn evdə Yunanıstana uduzub.
Daha iki qarşılaşma isə D qrupunda olub. Gürcüstan evdə İsveçrəyə uduzub. İrlandiya isə səfərdə Cəbəllütariqlə qarşılaşmada minimal hesabla üstün olub.
D qrupu
Gürcüstan – İsveçrə 0:2
Qol: Zuber, 57. Zakaria, 80.
Cəbəllütariq – İrlandiya 0:1
Qol: Hendrik, 49.
F qrupu
Malta – Farer adaları 2:1
Qol: Nvoko, 13. Borq, 77-pen – Tomsen, 90.
İsveç – Rumıniya 2:1
Qol: Kayson, 33. Klaesson, 40 – Keseru, 58.
İspaniya – Norveç 2:1
Qol: Rodriqo, 16. S.Ramos, 71-pen – Kinq, 65-pen.
J qrupu
Bosniya və Herseqovina – Ermənistan 2:1
Qol: Kruniç, 33. Miloşeviç, 80 – Mxitaryan, 90-pen.
İtaliya – Finlandiya 2:0
Qol: Barella, 7. Kin, 74.
Lixtenşteyn – Yunanıstan 0:2
Qol: Fortunis, 45. Donis, 80.
