39 yaşlı portuqaliyalı hücumçu Kriştiano Ronaldo süni intellektə görə qarşıdan gələn 2024-cü il Avropa çempionatının “ən dəyərli oyunçu mükafatı”nı qazanmaq üçün üç favoritdən biridir.
Sportinfo.az xəbər verir ki, bu barədə “Mundo Deportivo” nəşri məlumat yayıb.
Avropa çempionatı iyunun 14-dən iyulun 14-dək Almaniyada keçiriləcək. Portuqaliya millisi F qrupunda Gürcüstan, Çexiya və Türkiyə yığmaları ilə mübarizə aparacaq.
Hazırkı Avropa çempionu İtaliya komandasıdır. Onlar AÇ-2020-nin finalında İngiltərəni məğlub edib.
