“Çelsi”nin vingeri Rahim Sterlinq İngiltərə millisinin Avropa çempionatı üçün heyətinə daxil edilməyib.
Sportinfo.az xarici KİV-ə istinadən xəbər verir ki, millinin baş məşqçisi Qaret Sautqeyt Sterlinqi AÇ-2024-ün heyətinə daxil etməyib.
2021-ci ildə keçirilən son Avropa çempionatında Sterlinq İngiltərə yığmasının əsas oyunçularından biri olub. O, 3 qol və 1 məhsuldar ötürmə ilə ingilislərin finala yüksəlməsinə kömək edib.
29 yaşlı futbolçu bu mövsüm İngiltərə Premyer Liqasında 31 matçda 8 qol vurub və 4 məhsuldar ötürmə edib.
