.jpg)
Polşa Avropa çempionatında iştirak hüququ uğrunda final pley-off matçında Uelsə qalib gəlib.
Sportinfo.az xəbər verir ki, Polşa yığması turnirin final mərhələsinin sonuncu iştirakçısı olub, bundan əvvəl Gürcüstan və Ukrayna analoji uğura imza atıblar.
Matçın əsas və əlavə vaxtı 0:0 hesabı ilə başa çatıb. Penaltilər seriyasında isə polşalı futbolçular daha dəqiq olub - 5:4.
Gürcüstan bu uğurla Avropa çempionatının final mərhələsində iştirak edəcək ilk Cənubi Qafqaz ölkəsi olub.
Püşkatmanın nəticələrinə əsasən komandalar aşağıdakı ardıcıllıqla qruplara bölünüb:
A qrupu
Almaniya, Şotlandiya, Macarıstan və İsveçrə;
B qrupu
İspaniya, Xorvatiya, İtaliya və Albaniya;
C qrupu
Sloveniya, Danimarka, Serbiya və İngiltərə;
D qrupu
Polşa, Niderland, Avstriya və Fransa;
E qrupu
Belçika, Slovakiya, Rumıniya və Ukrayna
F qrupu
Türkiyə, Gürcüstan, Portuqaliya və Çexiya.
Hər qrupdan iki ən yaxşı komanda və ən yaxşı nəticə göstərərək üçüncü yeri tutan dörd komanda Avropa çempionatının 1/8 final mərhələsinə yüksələcək.
Avropa çempionatı 2024-cü il iyunun 14-dən iyulun 14-dək Almaniyada keçiriləcək.
.jpg)
