Sportinfo.az xəbər verir ki, Azərbaycan millisinin sabiq baş məşqçisi Canni de Byazi Avro-2024-lə bağlı fikirlərini bildirib.
İtaliyalı "Cityrumors" nəşrinə açıqlamasında qeyd edib ki, hazırda qarşıdakı yarışla bağlı proqnoq vermək doğru olmaz.
"İtaliya o komandadır ki, qazandığı titulu qorumalıdır və bunu yaxşı oyunla etməlidir. Üstəlik "Adzurra" həlledici anlarda hər şeyə qadir komandadır" - deyə o qeyd edib.
De Byazinin favoritlər haqda danışarkən deyib:
"Fransa, İngiltərə, Belçika və Portuqaliya qalib olmaq üçün daha çox cəhd edəcək. Amma mən ümid edirəm ki, bu proqnoz özünü doğrultmayacaq və məhz İtaliya 2021-ci ildə qazandığı titulu qorumağa çalışacaq".
Avro-2024 14 iyun-14 iyul tarixlərində Almaniyada keçiriləcək.
