"Qarabağ" bu gün Avropa Liqasının əsas mərhələsində növbəti matçına çıxacaq.
"Atlılar" doğma meydanda Fransa nəhəngi "Lion"u qonaq edəcək.
Vacib oyun öncəsi "köhlən atlar"ın veteran futbolçusu Azər Cabbarov Sportinfo.az-a açıqlama verib.
O, ilk olaraq qarşılaşmadan gözləntilərini bizimlə bölüşüb:
"Qarabağ"dan hamımız qələbə gözləyirik. Yaxşı oyun olacağına 100% əminəm. Komandamız bu mövsüm çox yaxşı oyunlar keçirib. Sadəcə bəxtimiz gətirmir".
Cabbarov güclü rəqiblə matçda yerli publikanın dəstəyi ilə ən azı bir xal əldə olunacağına inamını ifadə edib:
"Evdə oynayacağıq, bu da əlavə üstünlükdür. Doğma azarkeşlər önündə ən azı 1 xal qazanacağımıza inanıram.
Amma növbəti mərhələyə adlamaq çətin görünür. Qrupda elə-belə komandalar deyil.
Mənə görə, belə güclü rəqibləri Azərbaycana gətirmək özü böyük qəhrəmanlıqdır".
XANOĞLAN
.png)
.jpg)
