«Qarabağ»ın gün səhər saatlarında Azərbaycana gətirdiyi Emmanuel Addai ilə neçə illik müqavilə imzalayacağı bəlli olub.
“Alkonkon”dan dəvət edilən yarımmüdafiəçi qarşıdakı 3 ili ölkəmizdə keçirəcək.
Qanalı legionerin çıxışı «köhlən atlar»I qane edərsə, sözləşməsi daha 1 il uzadılacaq.
Addainin 23 yaşı var. “Qarabağ”ın baş məşqçisi Qurban Qurbanovun çox bəyəndiyi vinger “JMG Akademi”nin yetirməsidir. 2021-2022-ci illəri Fransada keçirib. “Bobiqni”nin formasını geyinib.
2022-ci ildən üzü bəri isə karyerasını İspaniyada davam etdirib. Ötən müddətdə “Alkonkon”un heyətində Sequndada 52 matça çıxıb və 5 qol vurub.
Azərbaycan çempionu bu yay 5 yeni müqavilə bağlayıb. Musa Qurbanlı «Yurdorden»dən (İsveç), Şahruddin Məhəmmədəliyev «Adana Demirspor»dan (Türkiyə) geri qayıdıb.
Sadiq Məmmədzadə «Səbail»dən, Fabiyan Buntiç «Vizela»dan (Portuqaliya) və Mateuş Koxalski «Stal»dan (Polşa) transfer olunub.
SPORTİNFO.AZ
.png)
.jpg)
