“Qarabağ”ın avrokuboklardakı inamlı çıxışı Türkiyə futbol ictimaiyyətinin diqqət mərkəzindədir.
Bunu nəzərə alan qardaş ölkənin ən populyar telekanalı xoş addımla diqqət çəkib.
Çərşənbə axşamı baş tutacaq “Dinamo Zaqreb” – “Qarabağ” qarşılaşması TRT 1 telekanalı vasitəsi ilə canlı yayımlanacaq.
Bu, o deməkdir ki, Zaqrebdəki oyun Türkiyə ilə yanaşı, dünyanın bir çox ölkələrində ekranlara daşınacaq.
Azərbaycanda isə bu matçı “CBC Sport” göstərəcək.
Avqustun 20-də “Maksimir” stadionunda baş tutacaq duel Bakı vaxtı ilə saat 23:00-da start götürəcək.
HƏBİB / SPORTİNFO.AZ
