Aleksey Kaşuk karyerasını yenidən Azərbaycanda davam etdirəcək.
2022/2023 mövsümündə "Sabah"da çıxış etmiş ukraynalı “Qarabağ”la müqavilə bağlayıb.
Tərəflər arasında 3 illik anlaşma əldə olunub. Razılaşmaya əsasən, yarımmüdafiəçinin kontraktı daha 1 il uzadıla bilər.
Azərbaycan Premyer Liqasında keçirdiyi 31 oyunda 16 qol vurmuş 23 yaşlı orta sahə oyunçusu «Şaxtyor»un yetirməsidir.
«Sabah»da da icarə əsasında forma geyinib. 2022-ci ilin martından 2023-cü ilin yayınadək «bayquşlar»ın uğurları üçün tər axıdıb.
Kaşuk 2 aydır azad agent statusu daşıyırdı. İyunun 30-da Donetsk klubu ilə müqaviləsinin müddəti bitib.
Ukraynanın gənclər yığmasının sabiq üzvü avqustdan bəri Bakıdadır. «Qarabağ», «Sabah» və «Zirə»nin avrokuboklarda keçirdiyi matçları stadiondan canlı izləyib.
SPORTİNFO.AZ
