Premyer Liqanın 23-cü turu çərçivəsində "Neftçi" "Səbail"i qəbul edib.
"Bakcell Arena"da keçirilən oyunda meydan sahibləri 8-ci dəqiqədə penaltidən hesabı açıb.
Həmin an təəccüb doğuran məqam yaşanıb.
Belə ki, hakimin qərarından dərhal sonra "ağ-qaralar"ın ştatlı penaltivuranı Emin Mahmudov topu əlinə götürüb "nöqtə"yə yaxınlaşsa da, fikrindən daşınaraq "dəri kürə"ni Kenni Sayefə verib. İsrailli futbolçu dəqiq oynayıb.
Eminin topu gülərək komanda yoldaşına ötürməsi ortaya sual çıxarıb: Mahmudovu penalti vurmaq fikrindən kim və niyə daşındırıb?
HƏBİB / SPORTİNFO.AZ
