.jpg)
"Ona hər şeyin ən yaxşısını arzulayıram".
Sportinfo.az xəbər verir ki, bu sözlər "Neftçi"nin yarımmüdafiəçisi Kenni Sayefə məxsusdur.
İsrailli legioner bugünlərdə "Arouka"ya (Portuqaliya) keçən Yusuf Lavalın "Neftçi"ni tərk etməsinə münasibət bildirib:
"Nigeriyalı komandamız üçün önəmli oyunçulardan idi. Amma özü qərar verdi və getdi, buna hörmətlə yanaşırıq.
Yusufu çox sevirik. Onun gedişinin komandaya təsir edib-etməyəcəyini zaman göstərəcək. Bunu sonra görə biləcəyik.
Biz futbolçuyuq, meydanda tapşırıqları yerinə yetiririk. Digər məsələlər baş məşqçinin işidir".
