Qodsvey Donyonu "Apollon"a satan "Neftçi"nin bu transferə görə qazancı müzakirə mövzusudur.
"Transfermarkt" portalının yazdığınagörə, Limassol təmsilçisi qanalı hücumçuya görə "Neftçi"yə 250 min avro pul ödəyib. Bu isə təxminən 460 min manat deməkdir.
Ötən yay "Makkabi"dən (Hayfa) ayrılaraq "Neftçi"yə keçmiş 28 yaşlı forvard 15-i çempionat, (5 qol) 2-si kubok, 4-ü avrokubok (1 qol) olmaqla 21 rəsmi matçda “Neftçi”nin formasını geyinib, 6 qol vurub.
Afrikalı Kipr təmsilçisi ilə müddəti 2025-ci ilin yayınadək nəzərdə tutulmuş müqavilə imzalayıb.
Bakılıların Mətbuat və Marketinq Departamentinin rəhbəri Rüstəm Allahverdiyev Sportinfo.az-a bildirib ki, "transfermarkt"in açıqladığı rəqəm həqiqəti əks etdirmir:
"Neftçi" Donyonun satışından bu qədər pul qazanmayıb. Bu, müqavilə sirri olduğu üçün onu mətbuata açıqlaya bilmərik.
Qısaca onu demək olar ki, deyilən məbləğ doğru deyil".
