“Neftçi"yə "ilişdi": “Hədəfləri olan klubda oynamaq istəyirdim”

27 Yanvar 2023 11:00 Neftçi 1 093
“Neftçi"yə "ilişdi": “Hədəfləri olan klubda oynamaq istəyirdim”

“Neftçi”nin hücumçusu Qodsvey Donyonun Kiprin “Apollon” klubuna keçidi rəsmiləşib.

Sportinfo.az xəbər verir ki, sözügedən klub qanalı forvardı rəsmi saytı vasitəsilə təqdim edib.

Tibbi müayinədən uğurla keçən 28 yaşlı futbolçu Limassol təmsilçisi ilə müddəti 2025-ci ilin yayınadək nəzərdə tutulmuş müqavilə imzalayıb.

O, Limassol təmsilçisinə keçidi haqda danışarkən hədəfləri olan komandada oynamaq istədiyini vurğulayıb. Bununla da, o, "Neftçi"yə söz atıb:

“Burada olduğum üçün xoşbəxtəm. “Apollon”un mənimlə maraqlandığını eşidəndə, mən də onlarla maraqlanmağa başladım.

Klubun hədəfləri məni cəlb etdi. “Apollon” Kiprin titullu komandalarındandır. Kiprdə oynayan dostlarım var. Ölkə, yerli çempionat haqda maraqlandım.

“Apollon”la yanaşı, İsraildən təkliflərim var idi. Amma mən bu klubu seçdim. Sürətli futbolu, qaçmağı və qol vurmağı sevirəm.

Hədəfləri olan klubda oynamaq istəyirdim. Əlimdən gələni etməyə çalışacam. Mənə inananları və azarkeşləri sevindirmək istəyirəm”

Azərbaycan klubuna yayda transfer olunmuş Qodsvey Donyo 15-i çempionat, (5 qol) 2-si kubok, 4-ü avrokubok (1 qol) olmaqla 21 rəsmi matçda “Neftçi”nin formasını geyinib, 6 qol vurub.

Digər Xəbərlər
Xəbər Lenti
19 Aprel 16:30 Çək və bizə göndər!
19 Aprel 11:20 GƏLİN və GÖRÜN!
19 Aprel 02:50 Nicat yenə məğlub oldu
19 Aprel 01:00 "Futbol əməliyyatı"