“İstirahətdən sonra hamı bir nəfər kimi məşqlərə və qarşıdakı oyunlara köklənib”.
Bu sözləri Sportinfo.az-a açıqlamasında “Neftçi”nin legioneri Ata Caber deyib.
Antalyada keçirilən təlim-məşq toplanışını dəyərləndirən israilli yarımmüdafiəçi bunları söyləyib:
“Klub tərəfindən bütün fikrimizi futbola verməyimiz üçün hər cür şərait yaradılıb. Düşərgədə əhval-ruhiyyənin çox yaxşı olduğunu deməliyəm.
Bu dəqiqə əsas diqqət hazırlığın yaxşılaşdırılmasına yönəlib. Ağır məşqlər buna hesablanıb.
İnanıram ki, Antalyada faydalı toplanış keçmişik. Yanvarın 26-da “Sabah”la vacib matça hazırıq”.
