"Neftçi"nin hücumçusu Qodsvey Donyonun "Apollon"a (Limassol) keçidi rəsmiləşib.
Sportinfo.az xəbər verir ki, bu barədə Kipr klubunun rəsmi saytı xəbər yayıb.
Bildirilib ki, 29 yaşlı hücumçunun transferinə dair "ağ-qaralar"la ilkin razılıq əldə olunub.
Qanalı forvard "Apollon"la 2025-ci ilin yayınadək müqavilə imzalayacaq. Transferin digər detalları bəlli deyil.
Qodsvey Donyo ötən il "Neftçi"yə keçib. Onun "ağ-qaralar"la müqaviləsi 2024-cü ilin yayınadək nəzərdə tutulmuşdu.
