"Neftçi"nin forvardı Qodsvey Donyo karyerasını Kiprdə davam etdirməyə çox yaxındır.
Sportinfo.az "Themasports" nəşrinə istinadən xəbər verir ki, "Apollon" (Limassol) 29 yaşlı hücumçu ilə anlaşıb.
Limassol təmsilçisinin Donyo üçün "Neftçi"nin maliyyə tələblərini ödədiyi bildirilib.
Gözlənilməz bir şey baş verməsə, qanalı oyunçu Kiprə gedəcək və rəsmi müqavilə imzalayacaq.
Qodsvey Donyo ötən il "Neftçi"yə keçib. Onun "ağ-qaralar"la müqaviləsi 2024-cü ilin yayınadək nəzərdə tutulmuşdu.