AFFA prezidenti Rövnəq Abdullayev Premyer Liqada bölgə klublarının sayının daha da çox olmasına tərəfdardır.
O, bu barədə federasiyada keçirilən son toplantıda bildirib.
Federasiya başçısı qeyd edib ki, çempionata azarkeş marağını daha da artırmaq lazımdır və AFFA bunun üçün ciddi işlər görür.
“Kəpəz”lə “Turan Tovuz”un illər sonra Premyer Liqaya qaytarılmasını mühüm hadisə adlandıran R.Abdullayev digər rayon və şəhərlərin də bu siyahıya qoşulmasına çalışacaqlarını gizlətməyib.
AFFA prezidenti növbəti mövsümlərdə Premyer Liqada müxtəlif yeniliklərin olacağını qeyd edib və sonda “bütün klubların məqsədi milliyə xidmət etmək olmalıdır” fikrini səsləndirib.
SPORTİNFO.AZ