Çimərlik futbolu üzrə Azərbaycan milli komandası Portuqaliyanın Nazare şəhərində EBSL-2022 Avropa çempionatının seçmə mərhələsində iştirak edəcək.
Sportinfo.az xəbər verir ki, A Divizionunda yer alan yığmamızın seçmə mərhələdə oyunlarının təqvimi bəlli olub.
Belə ki, Zeynal Zeynalovun rəhbərlik etdiyi kollektiv iyulun 1-də İtaliya, 2-də Almaniya, bir gün sonra isə İspaniya ilə qarşılaşacaq.
Yığmamızın bu matçlar üçün heyəti də açıqlanıb:
Qapıçılar: Elçin Qasımov, Vaqif Şirinbəyov, Rafiq Kərimov
Oyunçular: Comərd Baxşəliyev, Elşad Manafov, Amid Nəzərov, Orxan Məmmədov, Fuad Hüseynov, Emin Mehdiyev, Kamil Hüseynov, Bayram Paşazadə, İsa Zeynalli, Hüseyn Axundov, Sabir Allahquliyev