AFFA prezidenti Rövnəq Abdullayev yığmanın məşqçi və futbolçularından narazı qalıb.
Buna səbəb komandanın Millətlər Liqasının C Liqasına uğursuz start verməsidir.
Belə ki, 3-cü qrupda yer alan milli 4 oyuna çıxıb və eyni sayda xal toplayıb. Canni De Byazinin çalışdırdığı kollektiv bütün xalları Belarusdan əldə edib, Qazaxıstan və Slovakiyaya uduzub.
Qeydə alınan nəticələr Abdullayevin ürəyincə olmayıb və o, millinin Bakıda Slovakiya və Belarusla keçirdiyi qarşılaşmaları stadiondan canlı izləməkdən imtina eləyib.
Federasiya başçısı son turdakı 2:0 hesablı qələbəyə görə komanda üzvlərini təbrik etməyi də özünə rəva görməyib.
SPORTİNFO.AZ