Aşağı yaş qruplarından ibarət Azərbaycan yığmalarının keçmiş futbolçusu Ziya Əzizov həvəskar klubla anlaşıb.
Sportinfo.az xəbər verir ki, 24 yaşlı yarımmüdafiəçi Niderlandın “Trinitas” klubunda çıxış edəcək.
2020-ci ilin yayında bir il formasını geyindiyi “Keşlə”dən ayrıldıqdan bəri klubsuz qalan Əzizov böyüdüyü Oysterveyk şəhərinin təmsilçisi ilə münasibətləri rəsmiləşdirib.
O, səhhətindəki problemlərə görə peşəkar futbolçu kimi fəaliyyətini dayandırmaq məcburiyyətində qalıb.
“Den Boş”un yetirməsi olan Ziya Əzizov Azərbaycanın U-17, U-19, U-20 və U-21 yığmalarına çağırılıb.
