COP29

Qrup mərhələsinin II turunun son oyun günü – AVRO-2024

22 İyun 13:20 Avropa çempionatı 620
Qrup mərhələsinin II turunun son oyun günü – AVRO-2024

Almaniyada keçirilən Avropa çempionatında bu gün qrup mərhələsinin II turunun görüşləri başa çatacaq.

Sportinfo.az xəbər verir ki, günün ilk qarşılaşması Hamburq şəhərində, Gürcüstan və Çexiya milliləri arasında baş tutacaq.

Gürcüstanlılar F qrupunun ilk matçında Türkiyəyə (1:3), çexiyalılar isə Portuqaliyaya (1:2) məğlub olublar.

Bu qrupun digər oyununda, Dortmund şəhərində qardaş ölkə Türkiyə Portuqaliya ilə münasibətlərinə aydınlıq gətirəcək. Hesabında 3 xal olan kollektivlərdən biri qalib gələcəyi təqdirdə, 1/8 finala vəsiqəni təmin edəcək.

Günün son qarşılaşması isə Köln şəhərində gerçəkləşəcək. Belçika və Rumıniya komandalarının oyunundan sonra E qrupu da daxil olmaqla, II turun görüşləri başa çatacaq.

Belçika ilk görüşdə Slovakiya yığmasına (0:1) məğlub olub. Rumıniya isə Ukraynanı üstələyib - 3:0.

II tur

F qrupu

17:00. Gürcüstan - Çexiya

Baş hakim: Daniel Zibert (Almaniya).

Hamburq, “Folksparkştadion”.

20:00. Türkiyə - Portuqaliya

Baş hakim: Feliks Şvayer (Almaniya).

Dortmund, "Siqnal İduna Park".

E qrupu

23:00. Belçika - Rumıniya

Baş hakim: Şimon Marçinyak (Polşa).

Köln, “Reyn Enerqi” stadionu.

Digər Xəbərlər
Xəbər Lenti