AVRO-2020-nin seçmə mərhələsində keçiriləcək Azərbaycan - Macarıstan matçından (1:3) öncə Avropa çempionatının maskotu nümayiş olunub.
Sportinfo.az xəbər verir ki, "Skills"adlı maskot "Bakcell Arena"da azarkeşləri salamlayıb.
Yeni talisman futbol fristaylçısı keyfiyyətlərinə malikdi.
"Skills" ilk dəfə Amsterdam şəhərində keçirilən Hollandiya – Almaniya matçından öncə təşkil olunan təqdimat mərasimində fristayl ustaları, yəni top çiləmək üzrə ixtisaslaşan Liv Kuk və Tobias Beks tərəfindən təqdim olunub.
Onlar "Skilzi" ilə birlikdə müxtəlif tryuklar göstəriblər.
AÇ-2020-nin final mərhələsinin oyunları Avropanın 12 şəhərində keçiriləcək. Turnirin 4 matçı Bakıda olacaq.
.jpg)
