I Liqada 25-ci tura yekun vurulub.

Hesabat həftəsinin mərkəzi oyununda “İmişli” və “Qaradağ Lökbatan” üz-üzə gəlib - 0:0.

İmişlidə keçirilən matçı 3800-dən artıq azarkeş izləyib. Bu matç ev sahibləri üçün praktiki cəhətdən son şans idi.

Əsgər Abdullayevin komandası qələbə qazanmasaydı, çempionluq sevdasından faktiki olaraq əl çəkəcəkdi. Liderlə xal fərqini 3-ə endirmək üçün başqa yolları qalmamışdı.

Aran təmsilçisi qalibiyyət üçün bacardığını etdi. Amma… İnqilab Məmmədovu nəzərə almamışdılar.

«İmişli» ilk hissənin sonlarında meydan sahibləri qol vursa da, baş hakim əllə oyun olduğunu iddia edərək, qolu saymadı.

Vəziyyət bundan sonra gərginləşib. Hakimin qərarına qəzəblənən yerli azarkeşlər meydana yad əşyalar atmağa başlayıb.

Bundan sonra hakimlər meydançanı tərk etməli olub. Fanatların sakitləşməsindən sonra isə oyun yenidən davam etdirilib.

İnsidentlə əlaqədər oyunda 15 dəqiqə fasilə yaranıb.

Kadrlar əlimizin altında, gözümüzün qabağındadır. Buradan aydın etmək olur ki, İnqilab Məmmədov İmişliyə hansı niyyətlə yol ölçüb.

Referinin Ruslan Hacıyevin fərqləndiyi epizodu qəsdən düzgün qiymətləndirmədiyi qənaətindəyik. «Qara» ləqəbli «fit sahibi» əzəldən «Qaradağ»ın fanatıdır.

Elçin Məmmədovun tələbəsidir, necə olmalıdır ki..? O, həmişə bu komandaya «yardım əli»ni uzadıb və görünən budur ki, İnqilab köhnə şakərindən vaz keçmək fikrində deyil.

Epizoda baxaq: Ruslan topa qəsdən qolla toxunmur. Qol bədənə bitişikdir, onu bu vəziyyətdə önünə atmağa vaxtı yoxdur.

Hər şey bir anın içində baş verir: Hacıyev rəqib qapıçısının öz komanda yoldaşıyla toqquşmasından sonra önünə düşən «yuvarlaq meşin»i sakitcə boş «çərçivə»yə istiqamətləndirir.

Belə bir hadisə «Qaradağ»ın qapısı önündə yaşandı deyə, İnqilab özünə əl qatdı. Əksi olsaydı, qətiyyən bu cür davranmazdı.

Onun ilk dövrədə keçirilən «Difai» - «Qaradağ Lökbatan» matçında (0:1) birincilərin qapısına təyin etdiyi gülməli penaltini kim xatırlamır ki?

İnqilab o qarşılaşmada da xeyli təpgi çəkmiş, bununla belə, tərəfkeş libasını soyunmamışdı.

SPORTİNFO.AZ

Başverənlərə aşağıdakı linkdə baxa bilərsiniz: