"Qalatasaray" növbəti transferini yekunlaşdırmaq üzrədir.
Sportinfo.az xəbər verir ki, İstanbul təmsilçisi "Ayntraxt"ın hücumçusu Ali Akmanı heyətinə cəlb edir.
"Sarı-qırmızılar" 20 yaşlı forvardı 1 illik icarəyə götürəcək. Müqavilədə satınalma bəndi də yer alacaq.
Ali Akman "Ayntraxt"a 2021-ci ilin mart ayında "Bursaspor"dan transfer olunub. O, son mövsümü icarə əsasında "Niymeqen"də keçirib.
Türkiyəli qolçu Niderland klubunun heyətində meydana çıxdığı 32 oyunda 6 qol vurub.