Dünən xəbər verdiyimiz kimi, “Sabah" heyətini yeni legionerlə gücləndirib.
Masazır təmsilçisi İqor Noqeyra ilə 2 illik müqavilə bağlayıb.
Mərkəz müdafiəçisi Portuqaliyadan -"Şaveş"dən transfer edilib.
İki klub arasında anlaşmaya əsasən, braziliyalı onlara pul qazandıra bilər.
“Sabah” cənubi amerikalı legioneri üçüncü tərəfə satarsa, əldə etdiyi vəsaitin müəyyən hissəsini “Şaveş”ə ödəyəcək. Burada hardasa qazancın 20 faizindən söhbət gedir.
"Fluminense"nin yetirməsi olan 29 yaşlı futbolçu Belçikanın "Gent" (2014-2015), Braziliyanın "Fiqeyrense" (2018), CRB (2019), "Yuventude" (2022), Portuqaliyanın "Jil Visente" (2019-2021), "Santa Klara" (2023), "Şaveş" (2023/2024) və Meksikanın "Mazatlan" (2021-2022) klublarında da çıxış edib.
"Sabah" bunadək Kahim Parris, Coy-Lens Mikels, İvan Lepinitsa, Neqoş Kupusoviç və Pavol Şafrankonu transfer edib.
SPORTİNFO.AZ
.png)
.jpg)
