.jpg)
Çempionlar Liqasının 3-cü təsnifat mərhələsində “Qarabağ”a rəqib olan “Ludoqorets”in Bakı planı məlumdur.
Bolqarıstan çempionu paytaxtımıza az öncə təşrif buyurub.
Qonaqlar saat 20:00-da Tofiq Bəhramov adına Respublika stadionunda oyunöncəsi son məşqə çıxacaq.
Qonaqların məskunlaşdığı məkan da bəllidir. Klub rəhbərliyi “Hyatt Regency” otelini seçib.
Bolqarıstandan Bakıya hansı sayda azarkeşin gələcəyi matç günü bilinəcək. “Qarabağ” bütün hallarda onlar üçün 29-cu sektoru ayıracaq.
Qarşılaşmanı işıqlandırmaq üçün iki bolqar həmkarımız oyun saatında media tribunadakı yerini tutacaq.
Avqustun 6-da keçiriləcək matç saat 20:00-da başlayacaq.
HƏBİB / SPORTİNFO.AZ
