“Qarabağ”ın Çempionlar Liqasının qrup mərhələsinə vəsiqə qazanmaq şansı kifayət qədər realdır.

“Linkoln” səddini keçən “köhlən atlar” 3-cü təsnifat mərhələsində “Ludoqorets”lə münasibətlərinə aydınlıq gətirəcək.

Burada da uğurlu olacağı təqdirdə pley-offda oynayacaq ki, “Qarabağ” mümkün rəqiblərin bir neçəsini yaxın keçmişdə məğlub etməyi bacarıb.

Ağdamlıların qapıçısı Fabiyan Buntiç Sportinfo.az-a verdiyi açıqlamada hədəf barədə danışarkən ehtiyatlı davranıb:

“Mövsümün əvvəlində gələcəkdə nələrin baş verəcəyi haqda əminliklə danışmaq olmur. Çünki komandanın hazırlığının hansı səviyyədə olduğunu qarşıdakı həftələr göstərəcək.

“Linkoln”la oyun başa çatdı, qarşıda bizi Premyer Liqa matçı gözləyir. Sonra yenidən Çempionlar Liqasında oynayacaq və çempionata qayıdacağıq.

Sıx qrafikdə meydana çıxacağıq. Yüksək hədəflər haqda düşünürüksə, dayanmadan inkişaf etməliyik.

“Transfer pənəcərəsi”nin bağlanmasına 4 həftə qalıb. Bunun özü də vacib məqamdır.

Kimsə gedə, kimsə gələ bilər. Ona görə də əminliklə danışmaq olmur.

“Ludoqorets” – “Dinamo” cütünün qalibi ilə oynayaq, sonra nələrin baş verəcəyini birlikdə görəcəyik”.

“Qarabağ” Çempionlar Liqasında növbəti görüşünü avqustun 6-da “Ludoqorets”ə qarşı keçirəcək. Tofiq Bəhramov adına Respublika stadionunda baş tutacaq qarşılaşma saat 20:00-da start götürəcək.

HƏBİB