.jpg)
“Qarabağ” – “Linkoln” matçından sonra Bernardo Lopeslə Leandro Andrade meydanı tərk etmək fikrində deyildilər.
Qaçış zolağının yanında bir xeyli söhbət edən rəqib futbolçuların müzakirəsi paltardəyişmə otaqlarının dəhlizində davam etdi.
Elə hey danışır, bir-birindən qopmaq bilmirdilər. Çox keçmədən ”Linkoln”un ispani Nano da onlara qoşuldu.
Klub rəsmilərindən təyyarəyə gecikdiklərini eşidən Bernado, dostu ilə sağollaşıb avtobusa tələsəndə, Sportinfo.az-a Andrade ilə tanışlıqları barədə danışdı:
“Xeyr, uşaqlıq dostları deyilik. Sadəcə, hər ikimiz Portuqaliyadanıq. İnsan səfər etdiyi ölkədə həmyerlisini görəndə istər-istəməz şad olur, ürəyindəkiləri boşaldır.
Leo ilə Cəbəllütariqdə ayaqüstü danışmışdıq. Sadəcə, bu dəfə daha çox zamanımız oldu.
Ortaq tanışlarımız var, bir az onlar barədə danışdıq. Daha sonra ölkədəki vəziyyəti müzakirə etdik, karyeramız haqda söz açdıq.
Hə, bir də “Qarabağ”ın güclü komanda olduğunu bildirib, növbəti matçlarda uğurlar arzuladım (gülür)”.
Leandro Andrade Kabo Verde millisinin formasını geyinsə də, əslən Portuqaliyadandır və bu ölkədə anadan olub.
HƏBİB
